ҚР ИИДМ Жол активтерінің ұлттық сапа орталығында «Әмбебап икемді бетон төсеніштері» технологиясын тәжірибелік енгізуді сүйемелдеу бойынша жұмыс жүргізілді және бұл жабдық ҚР автожол саласында алғаш рет қолданылуда
Осы жылдың 6-16 тамыз аралығында Солтүстік Қазақстан облысындағы Р-11 "Көкшетау–Рузаевка" Республикалық маңызы бар автожолында (Речушка өзені арқылы өтетін көпірде, 130 км) автомобиль жолдары мен жасанды құрылыстарды судан шайылудан қорғауға арналған икемді бетон төсеніштерінің технологиясы сынақтан өткізілді.
"Әмбебап икемді қорғаныс бетон төсеніштері" - бұл берік синтетикалық арқанмен байланысқан 36 бетон блоктан тұратын жылжымалы құрылым. Олар жол беткейлерін, су асты құбырларын, көпір өткелдерін, бөгеттер мен бөгеттердің жоталарын су шайып кетуден қорғауға арналған.
Өндірушінің айтуы бойынша, бұл технологияның дәстүрлі технологиямен салыстырғанда бірқатар артықшылықтары бар: қызмет мерзімі 60 жылға дейін, жылдам орнатылады, құрылыс мерзімін қысқартады, әмбебап қолдану, тікелей нысанда дайындау мүмкіндігі бар, бөлшектенгеннен кейін қайта пайдалануға болады және сәндік эстетикалық көрініс береді.
Технология Ұлттық сапа орталығының сүйемелдеуімен сынап байқалды, оның барысында аспаптық өлшеулер жүргізіліп, сынамалар алынды. Тәжірибелік учаскені зертханалық зерттеу, бақылау және мониторинг/тексеру жүргізіледі, оның нәтижелері бойынша технологияны одан әрі енгізудің орындылығы айқындалатын болады.