Жолшы мамандығына оқушыларды мектеп жасынан баулу
ҚР ИИДМ Жол активтерінің ұлттық сапа орталығы елордадағы № 56 мектеп-лицейінде кәсіптік бағдар беру кездесуін өткізді. 10–11 сынып оқушыларына Ұлттық сапа орталығы Бас директоры Замир Сағынов сөз сөйледі. Оқушылар жолшымен сұранысқа ие жұмысшы мамандықтарын, жұмысқа орналасу мүмкіндіктерін және автожол саласындағы мансаптық өсу перспективаларын талқылады. Кәсіптік бағдар беру жоғары сынып оқушыларына жолшы мамандықтарының түрлерімен танысуға, автожол саласы қызметкерлерінің жұмысын көруге, автожол компанияларының негізгі бағыттарымен танысуға мүмкіндік береді. Келесі кәсіптік бағдар беру іс-шарасын оқушылардың ата-аналарымен өткізу жоспарлануда.