Осы жылдың 24-25 қарашасында өтетін «Kaztraffic-2022» XVIII Халықаралық көрмесінің жұмысына қатысуға шақырамыз.
Осы жылдың 24-25 қарашасында өтетін «Kaztraffic-2022» XVIII Халықаралық көрмесінің жұмысына қатысуға шақырамыз.Қазақстан, АҚШ, Германия, Франция, Украина, Түркия, Әзірбайжан, Ресей, Беларусь және басқа да елдердің 100-ден астам жетекші автожол компанияларының заманауи ғылыми және техникалық әзірлемелері экспозицияда ұсынылатын болады. Қатысушылар жол құрылысы, жолдарды жөндеу, күтіп ұстау және сараптау саласындағы өз әзірлемелерімен, технологияларымен және жаңалықтарымен бөліседі. Панельдік сессиялар, пікірталастар, меморандумдарға қол қою жолдардың жаһандық экономикаға кешенді ықпалы жағдайында автожол саласын дамытуға ықпал ететін болады.
Ғылыми-практикалық конференцияның панельдік сессияларын ұйымдастырушылардың бірі - ҚР ИИДМ «Жол активтерінің ұлттық сапа орталығы» РМК.
Сапа орталығы кәсіпорынның барлық бизнес-процестерінің жоғары тиімділігі мен ашықтығын қамтамасыз ету үшін цифрландыру жобаларын белсенді түрде енгізуде:
1. «KazRoadLab» – электрондық деректер базасы бар объектілердегі зертханалық сынақтардың, бақылау-өлшеу шараларының нәтижелерін бейнелеуге, бақылау іс-шараларының процесін автоматтандыруға арналған жүйе.
2. SRDS – жабын ақауларын автоматты түрде тануға арналған жүйе. 100 км жолдың деректерін өңдеуді 4 күннен 4 сағатқа дейін қысқартады. Бағдарламаға авторлық құқық алынды, ол кәсіпорынның меншігі болып табылады.
3. Ведомстволық экспертиза порталы - тапсырыс беруші мен мердігер арасындағы электрондық форматта жобалықсметалық құжаттар мен өзара ісқимылды қабылдауға және өткізуге арналған портал. Тексеру порталы ашықтықты, уақытты және шығындарды үнемдеуді қамтамасыз етеді.
«Автомобиль жолдарының сапасын арттыру» секциясының жұмысы барысында «Автожол саласын дамыту перспективалары» халықаралық ғылыми-практикалық конференциясында жобалар, жұмыс нәтижелері және даму перспективалары туралы толық ақпарат ұсынылатын болады. ҚР ИИДМ, Автомобиль жолдары комитеті, «Жол активтерінің ұлттық сапа орталығы» РМК, «ҚазЖолҒЗИ» АҚ, «ҚазАвтоЖол» АҚ, Қазақстанның автожолшылар қауымдастығы, жолшылардың Үкіметаралық Кеңесі және басқа да мемлекеттік және қоғамдық ұйымдардың өкілдері баяндама жасайды.
Көрмеде алғаш рет бос жұмыс орындары жәрмеңкесі өтеді.
Ұйымдастырушылар: ҚР ИИДМ, «Жол активтерінің ұлттық сапа орталығы» РМК, «ҚазжолҒЗИ» АҚ, «ҚазАвтоЖол» ҰК АҚ.
Іс-шараның ашылуы 24 қараша күні сағат 10.00-де Астана қаласы, Мәңгілік Ел даңғылы, 53/1 мекен-жайындағы "Expo" халықаралық көрме орталығында өтеді.